ඌව පළාතේත් මාතලේ, නුවරඑළිය, අම්පාර සහ මඩකලපුව දිස්ත්රික්කවලත් හෙට (07) විටින් විට වැසි ඇති විය හැකි බව කාලගුණවිද්යා දෙපාර්තමේන්තුව පවසයි.
අද (06) පස්වරු 2ට නිකුත් කළ නිවේදනය අනුව උතුරු, උතුරු මැද සහ වයඹ පළාත්වලත් හම්බන්තොට දිස්ත්රික්කයේත් වැසි වාර කිහිපයක් ඇති විය හැක.
සෙසු ප්රදේශවල පස්වරු 2.00න් පසු තැනින් තැන වැසි හෝ ගිගුරුම් සහිත වැසි ඇතිවිය හැකි අතර, ඇතැම් ස්ථානවලට මිලිමීටර් 50ට වැඩි තද වැසි ද අපේක්ෂා කෙරේ.
උතුරු සහ වයඹ පළාත්වලත් මාතලේ, ත්රිකුණාමලය සහ අනුරාධපුර දිස්ත්රික්කවලත් පැ.කි.මී. 30–40 දක්වා තරමක් තද සුළං හමා යා හැකි බව ද සඳහන්ය.
බස්නාහිර, සබරගමුව සහ මධ්යම පළාත්වලත් ගාල්ල, මාතර සහ බදුල්ල දිස්ත්රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පවතිනු ඇතැයි ද පුරෝකථනය කර ඇත.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු මඟින් සිදුවිය හැකි අනතුරු අවම කර ගැනීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටියි.
