කැලණි ගඟේ ජල මට්ටම අද අලුයම සිට ක්රමයෙන් පහළ යමින් පවතින බව වාරිමාර්ග දෙපාර්තමේන්තුව ප්රකාශ කරයි. ඒ අනුව කැලණි ගං ද්රෝණියේ පහත් බිම් ප්රදේශවල පැවති ගංවතුර තත්ත්වයද අඩුවෙමින් පවතී.
වාරිමාර්ග දෙපාර්තමේන්තුව කියා සිටියදී, කළු ගඟ සහ මල්වතු ඔය ඇතුළු ජලාශවල ජල මට්ටම්ද පහළ යන බව සඳහන් කළාය.
කැලණි ගඟේ නාගලගම්වීදිය ජලමාපකයේ ජල මට්ටම අලුයම 2.00ට අඩි 08ක් සිටි අතර 3.00ට අඩි 7.90ක් දක්වා පහළ වී තිබේ. එහෙත් එය තවදුරටත් මහ ගංවතුර මට්ටමේ පවතින බවද දැනුම් දෙනු ලැබීය.
හංවැල්ල ජලමාපකයේ ජල මට්ටමද අඩි 08 සිට 7.93 දක්වා පහළ වී ඇති අතර, තවදුරටත් අවධානම් මට්ටමේ පවතී.
කළු ගඟේ ඇල්ගම ජලමාපකය මීටර් අඩි 10.40 සිට 10.30 දක්වා අඩු වූවත්, තවදුරටත් අවධානම් තත්ත්වයක පවතින බව සඳහන් කරයි.
මල්වතු ඔයේ තන්තිරමලේ ජල මට්ටමද අඩි 8.98 සිට 8.95 දක්වා පහළ වී ඇති අතර, එම ප්රදේශයේ ද මහ ගංවතුර තත්ත්වය තවදුරටත් පැවතින බව වාරිමාර්ග දෙපාර්තමේන්තුව පවසයි.
කැලණි ගඟේ ජල මට්ටම පහළට — ගංවතුර තත්ත්වයත් පහළට
