නවීන් දිසානායක එජාප උප සභාපති ලෙස පත් කෙරේ

එක්සත් ජාතික පක්ෂයේ හිටපු පාර්ලිමේන්තු මන්ත්‍රී නවීන් දිසානායක මහතා එම පක්ෂයේ උප සභාපති (ජ්‍යෙෂ්ඨ) ලෙස පත් කර ඇති බව නිල වශයෙන් දැනුම් දී ඇත.

එක්සත් ජාතික පක්ෂ ව්‍යවස්ථාවේ 2026 වර්ෂය සඳහා 8.1.1(c) වගන්තියට අනුව, 2026 ජනවාරි 3 වන දින සිට නවීන් දිසානායක මහතා උප සභාපතිවරයා ලෙස පත් කිරීමට පක්ෂ කෘත්‍යාධිකාරී මණ්ඩලයට නිර්දේශ කර තිබේ.

එමෙන්ම, පක්ෂ ව්‍යවස්ථාවේ 7.1(a) වගන්තිය යටතේ දිසානායක මහතා එක්සත් ජාතික පක්ෂ කෘත්‍යාධිකාරී මණ්ඩලයේ සාමාජිකයෙකු ලෙසද කටයුතු කිරීමට නියමිත බව සඳහන් වේ.