හිටපු ජනපති රනිල් වික්රමසිංහ මහතාගේ බිරිඳ මෛත්රී වික්රමසිංහ මහත්මියට මෙම මස 20 වන දින අපරාධ පරීක්ෂණ දෙපාර්තමේන්තුවේ මූල්ය අපරාධ විමර්ශන කොට්ඨාශය හමුවේ පෙනී සිටින්නැයි දැනුම් දී ඇත.
මේ සම්බන්ධයෙන් අපරාධ පරීක්ෂණ දෙපාර්තමේන්තුව විසින් අද (18) කොළඹ කොටුව මහෙස්ත්රාත් අධිකරණයට දැනුම් දුන්නේ, හිටපු ජනාධිපතිවරයා සම්බන්ධයෙන් සිදුකරන විමර්ශනයකට අදාළව ප්රකාශයක් සටහන් කරගැනීම සඳහාය.
එමෙන්ම 2023 වසරේ බ්රිතාන්යයේ සිදුකළ පෞද්ගලික සංචාරයකට මුදල් අනුමත කිරීම තුළින් රාජ්ය මුදල් අවභාවිතා කිරීමට ආධාර අනුබල දුන්නේ යැයි සැකපිට රක්ෂිත බන්ධනාගාරගත කර සිටි හිටපු ජනාධිපති ලේකම් සමන් ඒකනායක මහතා අද කොළඹ මහෙස්ත්රාත් අධිකරණය මඟින් ඇප මත මුදාහරිනු ලැබීය.
