කාලගුණ විද්‍යා දෙපාර්තමේන්තුව අනාවැකි පළ කරමින් පවසන්නේ, බස්නාහිර, සබරගමුව, මධ්‍යම සහ වයඹ පළාත්වලටත්, තවද ගාල්ල සහ මාතර දිස්ත්‍රික්කවලටත් විටින් විට වැසි හෝ ගිගුරුම් සහිත වැසි ඇතිවිය හැකි බවය.
එම නිවේදනයේ වැඩිදුරටත් සඳහන් වන්නේ, මේ ප්‍රදේශවල ඇතැම් ස්ථානවල මිලීමීටර් 75ට වැඩි තරමක තද වැසි ඇතිවිය හැකි බවයි.
උතුරු සහ උතුරු මැද පළාත්වලටත් ත්‍රිකුණාමලය දිස්ත්‍රික්කයටත් වැසි වාර කිහිපයක් ඇතිවිය හැකි බවද පැවසේ.
අමතරව, මධ්‍යම කඳුකරයේ බටහිර බැවුම් ප්‍රදේශවල, එසේම බස්නාහිර, උතුරු, උතුරු මැද, වයඹ සහ දකුණු පළාත්වලත් ත්‍රිකුණාමලය දිස්ත්‍රික්කයේත්, විටින් විට පැ.කි.මී. 40-50 පමණ තද සුළං හමන අවධානමක් තිබේ.
