කාලගුණ විද්යා දෙපාර්තමේන්තුව නිකුත් කළ නවතම නිවේදනයට අනුව අද දිනයේ උතුර, නැගෙනහිර හා ඌව පළාත්වලත්, පොළොන්නරුව, මාතලේ සහ නුවරඑළිය දිස්ත්රික්කවලත් ස්වල්ප වැසි ඇති විය හැකිය.
ගාල්ල, මාතර, රත්නපුර සහ කළුතර දිස්ත්රික්කවල පස්වරු 2ට පසුව ස්ථාන කිහිපයක වැසි හෝ ගිගුරුම් සහිත වැසි ඇතිවිය හැකි බව සඳහන් වේ.
මධ්යම කඳුකරයේ නැගෙනහිර බෑවුම් ප්රදේශවල, උතුරු පළාතේත් හම්බන්තොට සහ මොනරාගල දිස්ත්රික්කවලත් විටින් විට පැ.කි.මී. 40ක පමණ තරමක තද සුළං හමා යා හැකිය.
එමෙන්ම බස්නාහිර, සබරගමුව සහ මධ්යම පළාත්වලත්, බදුල්ල, ගාල්ල සහ මාතර දිස්ත්රික්කවලත් අලුයම් කාලයේදී මීදුම් සහිත තත්ත්වයක් ඇතිවිය හැකි බවද දැනුම් දී ඇත.
ගිගුරුම් සහිත වැසි සමඟ ඇතිවිය හැකි අකුණු හා තද සුළං හේතුවෙන් සිදුවන අනතුරු අවම කරගැනීමට අවශ්ය පියවර ගන්නා ලෙස ජනතාවගෙන් කාලගුණ විද්යා දෙපාර්තමේන්තුව කාරුණිකව ඉල්ලා සිටියි.
