අයහපත් කාලගුණය හේතුවෙන් රටේ පවතින හදිසි ආපදා තත්ත්වය කළමනාකරණය කිරීමේ ඉදිරි ක්රියාමාර්ග සොයා බැලීම සඳහා ජනාධිපතිවරයා අද (28) පෙරවරුවේ ත්රිවිධ හමුදා ආරක්ෂක මුලස්ථානයේදී පක්ෂ විපක්ෂ මහජන නියෝජිතයින් සමඟ සාකච්ඡාවකට එක්විය.
ජනාධිපතිවරයා මෙම අවස්ථාවේදී පවසුවේ, “විපතට පත් ජනතාවගේ ජීවිත ආරක්ෂා කර ගැනීම සහ ඔවුන්ට අවශ්ය සහන සැපයීම වෙනුවෙන් සියලු දෙනා එක්ව කාර්යක්ෂම ලෙස කටයුතු කරමු” යනුවෙනි.
විපක්ෂ මන්ත්රීවරුන් හදිසි නීතිය ක්රියාත්මක කිරීමේ හැකියාව සලකා බලමින් යෝජනා කළ අතර, ඒ සඳහා පූර්ණ සහාය ලබා දෙන බව ඔවුන් ප්රකාශ කළහ.
ජනාධිපතිවරයා සඳහන් කළේ, විපතට පත් ජනතාවට සහන සැපයීමේදී මුදල් කිසිදු බාධාවක් නොවන අතර, දිස්ත්රික් ලේකම්වරුන්ට වැය කිරීමට මුදල් නිදහස් කර ඇති බවත්, අවශ්ය නම් දිස්ත්රික් සම්බන්ධීකරණ කමිටුවේ එකඟතාවයෙන් මුදල් වැය කළ හැකි බවත්ය.
ආරක්ෂිත කඳවුරු සහ ජනතාව මුදා ගැනීමේ කටයුතු සඳහා හෙලිකොප්ටර් යානා යොමු කරන බවත්, සහන සේවා (ආහාර, සෞඛ්ය පහසුකම්) අඛණ්ඩව සැපයෙන බවත් ජනාධිපතිවරයා සඳහන් කළේය.
මෙම සාකච්ඡාවට අග්රාමාත්ය ආචාර්ය හරිනි අමරසූරිය, විපක්ෂ නායක සජිත් ප්රේමදාස, ජනාධිපති ලේකම් ආචාර්ය නන්දික සනත් කුමානායක, ආරක්ෂක අමාත්යාංශ ලේකම්, මුදල් අමාත්යාංශ ලේකම්, ත්රිවිධ හමුදාපතිවරු, පොලිස්පති සහ රාජ්ය නිලධාරීන් ඇතුළු මහත් පිරිසක් සහභාගී වූහ.
ජනාධිපතිවරයා එම අවස්ථාවේදී දිස්ත්රික්කවල පවතින තත්ත්වය, අවශ්යතා සහ ඉදිරි වැඩපිළිවෙළ පිළිබඳව විශද වශයෙන් දැනුවත් විය.
