කටුනායකට ගුවන්යානා තුනක් මීදුම හේතුවෙන් හරවා යවයි

අද උදෑසන කටුනායක ගුවන්තොටුපොළ අවට ඇති වූ ඝන මීදුම හේතුවෙන් ගොඩබෑමට නියමිත ගුවන්යානා තුනක් වෙනත් ගුවන්තොටුපොළ වෙත හරවා යවා ඇත.

චීනයේ ගුවන්ෂු සිට පැමිණි ශ්‍රීලන්කන් UL-881 සහ සෞදි අරාබියේ රියාද් සිට පැමිණි UL-266 යන ගුවන්යානා මත්තල ගුවන්තොටුපොළට හරවා යවනු ලැබීය. දමාම් සිට පැමිණි UL-254 ගුවන්යානය තිරුවානන්තපුරම් ජාත්‍යන්තර ගුවන්තොටුපොළ වෙත යොමු කර තිබේ.

උදෑසන මීදුම තත්ත්වය මේ වනවිට පහව ගොස් ඇති බවද වාර්තා වේ.