2026 වර්ෂයට අදාළ ඡන්දදායක සංගණන කටයුතු පෙබරවාරි 1 වැනිදා සිට ආරම්භ කිරීමට නියමිත බව පැෆ්රල් (PAFFREL) සංවිධානය පවසයි.
නිවේදනයක් නිකුත් කරමින් පැෆ්රල් සඳහන් කළේ, පෙර වසරවල මෙන් සංගණන නිලධාරීන් සෑම නිවසකටම සංචාරය නොකරන බවයි. ඒ අනුව, අලුතින් එකතු කළ හෝ ඉවත් කළ නම් ඇතුළත් A සහ Aa ලැයිස්තු යාවත්කාලීන කිරීම සඳහා අදාළ නිවාස වෙත පමණක් නිලධාරීන් පැමිණෙන බව සඳහන් වේ.
එමෙන්ම ඡන්දදායක තොරතුරු රැස් කළ යුතු නිවාස වෙත පමණක් සංගණන නිලධාරීන් සංචාරය කරන බවද පැෆ්රල් සංවිධානය අවධාරණය කරයි.
පැෆ්රල් සංවිධානයට අනුව, දේශපාලන පක්ෂ නියෝජිතයන්ට සංගණන ක්රියාවලිය නිරීක්ෂණය කිරීමට අවස්ථාව හිමි වන අතර, නිලධාරීන් තොරතුරු රැස් කිරීමෙන් අනතුරුව යම් පුද්ගලයෙකු ඡන්දදායකයකු ලෙස ලියාපදිංචි කිරීමට සුදුසුද නැද්ද යන්න පිළිබඳ නිර්දේශද නිරීක්ෂණය කළ හැකිවේ.
අක්රමිකතා හෝ ගැටලු නිරීක්ෂණය වූ අවස්ථාවලදී, පක්ෂ නියෝජිතයන්ට සංගණන නිලධාරියාට ලිඛිතව දැනුම්දිය හැකි අතර, එහි පිටපතක් අදාළ දිස්ත්රික් නියෝජ්ය හෝ සහකාර කොමසාරිස් වෙත වහාම යොමු කළ හැකි බවද පැෆ්රල් සංවිධානය සඳහන් කළා.
