Mihindananada Aluthgamage ඇප විභාගය දෙවන දිනටත් ඇරඹෙයි

දූෂණ චෝදනාවක් සම්බන්ධයෙන් කොළඹ ස්ථිර ත්‍රිපුද්ගල මහාධිකරණ විනිසුරු මඩුල්ල විසින් සිර දඬුවම් නියම කර තිබෙන හිටපු අමාත්‍යවරුන් වන Mihindananada Aluthgamage සහ Nalin Fernando විසින් එම දඬුවමට එරෙහිව ඉදිරිපත් කළ අභියාචනා විභාගය අද (10) දෙවන දිනටත් ශ්‍රේෂ්ඨාධිකරණය හමුවේ ආරම්භ විය.
අගවිනිසුරු Preethi Padman Surasena මහතාගේ ප්‍රධානත්වයෙන් යුත් පංච පුද්ගල ශ්‍රේෂ්ඨාධිකරණ විනිසුරු මඩුල්ලක් ඉදිරියේ මෙම පෙත්සම් විභාගය පැවැත් වේ. සෙසු සාමාජිකයින් වශයෙන් ශ්‍රේෂ්ඨාධිකරණ විනිසුරුවරුන් වන Shiran Gunaratne, Arjuna Obesekera, Achala Wengappuli සහ Sampath Abeykoon කටයුතු කරති.
නඩු විභාගය ආරම්භ වූ අවස්ථාවේදී විත්තිකාර Nalin Fernando වෙනුවෙන් පෙනී සිටින ජනාධිපති නීතිඥ Ali Shabry මහතා සිය වැඩිදුර දේශන ඉදිරිපත් කළේය.
2015 වසරේ ජනාධිපතිවරණ සමයේ ජනාධිපති අපේක්ෂක Mahinda Rajapaksaගේ දේශපාලන කාර්යාලවලට බෙදාදීම සඳහා සතොස ආයතනය හරහා කැරම් බෝඩ් 14,000ක් සහ දාම් ලෑලි 11,000ක් ආනයනය කර බෙදා දීම තුළ රජයට රුපියල් කෝටි 6 ක් පමණ පාඩුවක් සිදුකළ බවට චෝදනා කරමින් Mihindananada Aluthgamage සහ Nalin Fernandoට එරෙහිව ඉකුත් යහපාලන රජය සමයේ නඩු පවරා තිබුණි.
කොළඹ ස්ථිර ත්‍රිපුද්ගල මහාධිකරණ විනිසුරු මඩුල්ල මෙම නඩුව විභාග කළ අතර, Mihindananada Aluthgamageට වසර 20ක සහ Nalin Fernandoට වසර 30ක බරපතළ වැඩ සහිත සිර දඬුවම් නියම කළේය.
හිටපු අමාත්‍යවරුන් මෙම දඬුවම්වලින් නිදොස් කරනු ලබන ලෙස ඉල්ලමින් අභියාචනය ශ්‍රේෂ්ඨාධිකරණයට ඉදිරිපත් කර ඇත.