ඇමරිකානු සහ චීන ජනාධිපතිවරුන් අතර පැවැත්වීමට නියමිත හමුවට පෙර, දෙරට අතර වෙළෙඳ ගිවිසුම් රාමුවක් පිළිබඳ එකඟතාවයක් ලැබී ඇත.
ඇමරිකානු භාණ්ඩාගාර ලේකම් ස්කොට් බෙසන්ට් පවසන ලද්දේ, එම ගිවිසුම සඳහා දෙපාර්ශ්වයේම බලධාරීන් එකඟතාව පළ කර ඇති බවය.
මෙම සාකච්ඡාව මැලේසියාවේ අග්නිදිග ආසියානු රටවල සමුළුව අතරතුරදී සිදුවූ අතර එහිදී ඵලදායී සංවාදයක් පැවති බව ද වාර්තා වේ.
ජනාධිපති ඩොනල්ඩ් ට්‍රම්ප් සහ ජනාධිපති ෂී ජින්පින්ග් අතර හමුව ලබන 30 වැනිදා දකුණු කොරියාවේ පැවැත්වීමට නියමිතය.
ඇමරිකාව සහ චීනය අතර පවතින ආර්ථික මතභේදයන් වෙළෙඳ යුද්ධයකට පත්වීම වැළැක්වීමේ උත්සාහයක කොටසක් ලෙස මෙම උපායමාර්ගික එකඟතාව සැලකේ.
අමෙරිකාව – චීනය වෙළෙඳ ගිවිසුම් රාමුවකට එකඟයි
