ගණේමුල්ල සංජීව ඝාතන සිද්ධියට සම්බන්ධව අත්අඩංගුවට ගත් නීතිඥවරිය ඉෂාරා සෙව්වන්දි පිළිබඳව තවදුරටත් විමර්ශනය කිරීම සඳහා අපරාධ පරීක්ෂණ දෙපාර්තමේන්තුව පැය 72ක් රඳවුම් නියෝග ලබාගෙන තිබේ.
ඉෂාරා සෙව්වන්දිට පිස්තෝලය සඟවා රැගෙන ඒම සඳහා දණ්ඩ නීති සංග්රහයේ පිටපතක් ලබාදී ඇත්තේ මෙම නීතිඥවරිය බවට සනාථ වී ඇත. එම නීතිඥවරිය ඊයේ (28) රාත්රියේ කඩවත ප්රදේශයෙන් අත්අඩංගුවට ගෙන ඇත.
පෙබරවාරි 19 දින, ගණේමුල්ල සංජීව අධිකරණ සංකීර්ණයට රැගෙන යන ලද්දේ නඩු කටයුත්තක් සඳහා වන බන්ධනාගාර නිලධාරීන් විසිනි. එම අධිකරණ සංකීර්ණය තුළදී ගණේමුල්ල සංජීව මියගිය අතර, වෙඩික්කරු එදිනම අත්අඩංගුවට ගන්නා ලදි. ඉෂාරා සෙව්වන්දි නේපාලයේ රැඳී සිටියදී, පසුගිය 14 වනදා ඇය අත්අඩංගුවට ගැනීමට පියවර ගන්නා ලදී.
මෙම සිද්ධිය සම්බන්ධව, ඉෂාරා සෙව්වන්දිට පලා යාමට සහාය වූ කිහිපදෙනෙකු ද මේ වනවිට අත්අඩංගුවට ගෙන ඇත.
ඉෂාරාට දණ්ඩ නීති සංග්රහයේ පිටපතක් දුන් සැකකාර නීතිඥවරිය රඳවාගෙන ප්රශ්න කරයි
