එළඹෙන උත්සව සමය තුළ මහජන ආරක්ෂාව සහ සාමය තහවුරු කරමින්, උත්සවය සාමකාමීව සැමරීමට අවශ්ය පසුබිම සකස් කිරීම සඳහා යුද හමුදා මූලස්ථානය කේන්ද්ර කරගනිමින් විශේෂ ‘මෙහෙයුම් මැදිරියක්’ ස්ථාපිත කිරීමට ආරක්ෂක ලේකම්වරයා උපදෙස් ලබාදී තිබේ.
උත්සව සමය අවසන් වන තෙක් අඛණ්ඩව ක්රියාත්මක වන මෙම මෙහෙයුම් මැදිරිය, ත්රිවිධ හමුදාව සහ ශ්රී ලංකා පොලිසිය අතර සමීප සහයෝගීතාවයක් සහතික කරන ප්රධාන සම්බන්ධීකරණ කේන්ද්රස්ථානයක් ලෙස කටයුතු කරනු ඇත.
මෙම ඒකාබද්ධ සම්බන්ධීකරණ යාන්ත්රණයේ අරමුණ වන්නේ, උත්සව සමය තුළ මතු විය හැකි ඕනෑම ආරක්ෂක අභියෝගයකට හෝ හදිසි තත්ත්වයකට කඩිනම් සහ විධිමත් ප්රතිචාර ලබාදීමයි.
යාවත්කාලීන තොරතුරු හුවමාරුව ශක්තිමත් කිරීම, කාලෝචිත තීරණ ගැනීම සහ සියලු ආරක්ෂක අංශවල මෙහෙයුම් සූදානම ඉහළ නැංවීම සඳහා මෙම පියවර ගෙන ඇත.
මෙම ක්රියාමාර්ගය හරහා උත්සව සමය පුරා මහජන ජීවිත සහ රජයේ මෙන්ම පෞද්ගලික දේපළ ආරක්ෂා කිරීමට බලධාරීන්ට වැඩි හැකියාවක් ලැබෙනු ඇති බව සඳහන් වේ.
මහජනතාවට කිසිදු බාධාවකින් තොරව සාමකාමීව උත්සව සමය සැමරීමට හැකි සුරක්ෂිත පරිසරයක් පවත්වාගෙන යාමට ආරක්ෂක අමාත්යාංශය දරන නොසැලෙන කැපවීමද මෙහිදී නැවත අවධාරණය කර ඇත.
