ශ්‍රී ලංකාවේ ජාතික පාරිභෝගික මිල දර්ශකයට (NCPI) අනුව, 2025 සැප්තැම්බර් මාසය සඳහා මෙරට උද්ධමනය ඉහළ ගොස් ඇත.
ජනලේඛන හා සංඛ්‍යාලේඛන දෙපාර්තමේන්තුව විසින් නිකුත් කරන ලද නිවේදනයකට අනුව, 2025 අගෝස්තු මාසයේදී 1.5% ක් ලෙස වාර්තා වූ මාසික පාරිභෝගික උද්ධමනය, 2025 සැප්තැම්බර් මාසය වන විට 2.1%ක් දක්වා වැඩි වී තිබේ.
මෙම ඉහළ යාම සඳහා ආහාර කාණ්ඩයේ සහ ආහාර නොවන කාණ්ඩයේ උද්ධමනයන්හි වර්ධනයන් බලපා ඇති බව ද දෙපාර්තමේන්තුව පෙන්වා දෙයි.
නිවේදනයට අනුව, ආහාර කාණ්ඩයේ ලක්‍ෂ්‍යමය උද්ධමනය 2025 සැප්තැම්බර් මාසයේදී 3.8%ක් දක්වා වැඩි වී ඇත.
එය 2025 අගෝස්තු මාසයේදී වාර්තා වූ 2.9%ට වඩා වැඩි අගයකි.
එමෙන්ම, ආහාර නොවන කාණ්ඩයේ ලක්‍ෂ්‍යමය උද්ධමනය ද වැඩි වී ඇති අතර, 2025 අගෝස්තු මාසයේදී 0.4%ක් ලෙස පැවති එම අගය, 2025 සැප්තැම්බර් මාසයේදී 0.7%ක් දක්වා වර්ධනය වී තිබේ.
මෙම දත්තයන් මඟින් පෙන්නුම් කරන්නේ, සැප්තැම්බර් මාසය තුළ සමස්තයක් ලෙස භාණ්ඩ හා සේවාවල මිල මට්ටම ඉහළ යාමේ ප්‍රවණතාවක් ශ්‍රී ලංකාවේ දක්නට ලැබෙන බවයි
