ට්‍රම්ප්ට එරෙහිව අමෙරිකානු නියෝජිත මන්ත්‍රී මණ්ඩලයෙන් දැඩි තීරණයක්

අමෙරිකානු ජනාධිපති Donald Trump විසින් ඉරානයට එරෙහිව ගත හැකි ඉදිරි හමුදා ක්‍රියාමාර්ග සීමා කිරීම සඳහා ඉදිරිපත් කළ යෝජනාවක් අමෙරිකානු නියෝජිත මන්ත්‍රී මණ්ඩලය විසින් සම්මත කර තිබේ.
මෙය ජනාධිපතිවරයාගේ යුද ප්‍රතිපත්තියට එල්ල වූ ප්‍රබල දේශපාලන අභියෝගයක් ලෙස සැලකෙන අතර, රිපබ්ලිකන් පක්ෂයේ මන්ත්‍රීවරුන් සිව්දෙනෙකුද ඩිමොක්‍රටික් පක්ෂය සමඟ එක්ව යෝජනාවට සහාය පළ කර ඇත.
ඒ අනුව යෝජනාවට පක්ෂව ඡන්ද 215ක් සහ විපක්ෂව ඡන්ද 208ක් ලැබී ඇති බව වාර්තා වේ.
කෙසේවෙතත්, මෙම යෝජනාව නීතියක් බවට පත්වීම සඳහා United States Senate හි අනුමැතියද අවශ්‍ය වන අතර, අවසාන වශයෙන් ජනාධිපති ට්‍රම්ප්ට එය නිෂේධනය කිරීමේ බලයද පවතී.
මේ අතර, ඉරානය සහ අමෙරිකාව අතර පවතින ආතතිය මධ්‍යයේ යුද්ධය අවසන් කිරීමේ සාකච්ඡා සාර්ථකව ඉදිරියට යමින් පවතින බව ජනාධිපති ට්‍රම්ප් ප්‍රකාශ කර ඇති බව විදෙස් මාධ්‍ය වාර්තා කරයි.