ශ්‍රී ලංකාවේ වනාන්තර හා පරිසර පද්ධතිවලට සිදුවන ඕනෑම හානියක් පිළිබඳව දැන් මහජනතාවට 1995 නව ක්ෂණික දුරකථන අංකය හරහා තොරතුරු ලබා දිය හැක.
පරිසර අමාත්‍යාංශය සඳහන් කළේ, මෙම සේවාව හෙට සිට ක්‍රියාත්මක වන බවය.
මෙහි අරමුණ වන්නේ වනාන්තර හා වනජීවීන් ආරක්ෂා කිරීම, වන අපරාධ වැළැක්වීම සහ ක්ෂණික ලෙස මෙහෙයුම් සිදු කිරීමයි.
ලැබෙන තොරතුරු අනුව ආරක්ෂක අංශ සහ වනජීවී නිලධාරීන් ක්ෂණිකව ක්‍රියාත්මක වන අතර, දත්ත ඒකාබද්ධ කර විශ්ලේෂණය කිරීමත්, වන අපරාධ බහුල ප්‍රදේශ හඳුනා ගැනීමත් මෙම මධ්‍යස්ථානය මගින් සිදු කරනු ඇත.
වනාන්තර හා පරිසර හානි පිළිබඳ තොරතුරු සඳහා නව දුරකථන අංකයක්
