<
කෘත්‍රිම බුද්ධිය පිළිබඳ සාකච්ඡා කිරීම සඳහා, ලෝක යව් ධනවත් ප්‍රබල පුගලයින් අමෙරිකාවේ වොෂිංටනයේ රැස්වීමක් පවත්වා තිබේ.
මෙය සංවිධාන කර ඇත්තේ, අමෙරිකාවේ සෙනෙට් සභාවේ නායක චක් ෂුමර් විසිනි.
පැය තුනක පමණ කාලයක් මෙම සාකච්ඡාව පවත්වා ඇති අතර, ඉන් පිටතට පැමිණි තාක්ෂණික සමාගම් කිහිපයක ප්‍රධානියා වන එලොන් මස්ක්, AI හි බරපතල අවදානම් සාරාංශ ගත කර තිබේ.
“ශුන්‍යයට ඉහළින් – AI අප සියල්ලන්ම මරා දැමීමට යම් අවස්ථාවක් තිබේ. මම හිතන්නේ එය අඩු නමුත් යම් අවස්ථාවක් ඇත” යනුවෙන් එලෝන් මස්ක් වාර්තාකරුවන්ට පවසා තිබේ.
“AI වැරදි ලෙස ලබා ගැනීමේ ප්‍රතිවිපාක දරුණු ය” යනුවෙන් ඔහු අවධාරණය කර ඇති අතර, මෙම රැස්වීම “ශිෂ්ටාචාරයේ අනාගතය සඳහා ඉතා වැදගත් එකක් ලෙස ඉතිහාසයට එක් විය හැකි” බව වාර්තාකරුවන්ට පවසා තිබේ.
මෙම සැසිය සඳහා, Meta, Google, OpenAI, Nvidia සහ IBM හි ප්‍රධාන විධායක නිලධාරීන් ඇතුළු ඉහළ පෙළේ තාක්‍ෂණ ආයතනවල ප්‍රධාන විධායක නිලධාරීන්, සිවිල් සමාජ නායකයින් සහ සෙනෙට් සභිකයින් 60කට වැඩි පිරිසක් එක්ව සිටියි.
ඉතා වේගයෙන් වර්ධනය වන කෘතිම බුද්ධි කර්මාන්තය නියාමනය කිරීම සඳහා නීති කෙටුම්පත් කිරීමට අදාළව මෙම සාකච්ඡාව පවත්වා ඇති බව වාර්තා විය.
ෆෙඩරල් රජය AI අධීක්‍ෂණය කළ යුතු දැයි ඇසූ විට සහභාගි වූ සියලුම දෙනා දෑත් ඔසවමින් එයට එකඟතාව ප්‍රකාශ කළ බව සෙනෙට් සභාවේ නායක චක් ෂුමර් වාර්තාකරුවන්ට පවසා තිබේ.
