2027 මාර්තු මාසයේ වත්මන් විස්තීර්ණ අරමුදල් පහසුකම (EFF) අවසන් වීමෙන් පසු ජාත්යන්තර මූල්ය අරමුදල සමඟ පවතින ව්යුහාත්මක සබඳතාව හදිසියේ අත්හැරීම ආර්ථිකයට දැඩි අවදානමක් ඇති කළ හැකි බව ‘දිනන දකුණ’ සාමූහිකය පවසයි.
නිවේදනයක් නිකුත් කරමින් එම සාමූහිකය සඳහන් කර ඇත්තේ ආර්ථික අර්බුදයෙන් පසු ශ්රී ලංකාව ක්රමයෙන් ආර්ථික ප්රතිස්ථාපනයක් කරා ගමන් කරමින් සිටින අවස්ථාවක, පවතින ආර්ථික රාමුවෙන් බැහැරවීම සම්බන්ධයෙන් සැලකිලිමත් විය යුතු බවය.
2027 වසරෙන් පසු IMF වැඩසටහනෙන් ඉවත් වීම සඳහා ආණ්ඩුවේ ඇතැම් පාර්ශ්වයන් කටයුතු කරමින් සිටින බව නිරීක්ෂණය වී ඇති බවද එම සාමූහිකය සිය නිවේදනයේ සඳහන් කරයි.
එවැනි ප්රවණතාවක් ආර්ථික ස්ථාවරත්වයට අවදානමක් ඇති කළ හැකි බව එම සාමූහිකයේ මතය වී තිබේ.
IMF වැඩසටහන යටතේ ආර්ථික ප්රතිසංස්කරණ ක්රියාත්මක කිරීමේදී රාජ්ය මූල්ය විනය, ණය තිරසරභාවය සහ ආර්ථික ස්ථාවරත්වය පවත්වා ගැනීම වැදගත් බවද එම සාමූහිකය පෙන්වා දෙයි.
මේ අතර, 2026 මැයි මාසයේදී IMF විධායක මණ්ඩලය ශ්රී ලංකාවේ EFF වැඩසටහනේ පස්වැනි සහ හයවැනි සමාලෝචන සම්පූර්ණ කළ අතර, සැප්තැම්බර් 23 වනදා IMF කණ්ඩායම සඳහන් කළේ හත්වැනි සමාලෝචනය සම්බන්ධයෙන් ශ්රී ලංකා බලධාරීන් සමඟ සාකච්ඡා තවදුරටත් පැවැත්වෙන බවය. 0
2027 වසරේදී EFF වැඩසටහන යටතේ දළ දේශීය නිෂ්පාදිතයෙන් 2.3%ක ප්රාථමික අතිරික්ත ඉලක්කය වෙත යළි පැමිණීමට ශ්රී ලංකා බලධාරීන් කැපවී සිටින බවද IMF වාර්තා කර ඇත. 1
“`2
