ජනාධිපති අනුර කුමාර දිසානායක මහතා, පවතින ආපදා තත්ත්වයෙන් පීඩාවට පත් ජන ජීවිතය වේගයෙන් යථා තත්ත්වයට පත් කිරීම සඳහා “අත්යවශ්ය සේවා කොමසාරිස් ජනරාල් කාර්යාලයක්” ස්ථාපිත කිරීමට උපදෙස් දී ඇත.
මෙම කාර්යාලය අග්රාමාත්ය කාර්යාලය මූලස්ථානය කර ගනිමින්, අත්යවශ්ය සේවා අධ්යක්ෂ ජනරාල්වරයාගේ ප්රධානත්වයෙන් ක්රියාත්මක කෙරේ.
ඒ සඳහා රජයේ ප්රධාන අමාත්යාංශ කිහිපයක් හා ඒවා යටතේ ඇති ආයතන — දුම්රිය දෙපාර්තමේන්තුව, වාරිමාර්ග දෙපාර්තමේන්තුව, ජල මණ්ඩලය, විදුලිබල මණ්ඩලය, මාර්ග සංවර්ධන අධිකාරිය, ඉඩම් සංවර්ධන මණ්ඩලය වැනි ඒජන්සි — එකමුතුවෙන් කටයුතු කරන අතර ත්රිවිධ හමුදාවද මෙයට අනුයුක්ත වේ.
ජනාධිපතිවරයා සඳහන් කළේ මෙම මධ්යස්ථානය සියලු ආයතන අතර සම්බන්ධීකරණය හා අවශ්ය පහසුකම් සැපයීම සඳහා ඒකාබද්ධ මෙහෙයුම් මධ්යස්ථානයක් ලෙස ක්රියාත්මක විය යුතු බවයි.
මෙය අද (30) ජනාධිපති කාර්යාලයේ පැවති විශේෂ සාකච්ඡාවකදී තීරණය කරන ලදී.
අත්යවශ්ය සේවා කොමසාරිස් ජනරාල් කාර්යාලයක් ස්ථාපිත කිරීමට ජනපති උපදෙස්
