කොළඹ පාරිභෝගික මිල දර්ශකය අනුව ගණනය කළ ඔක්තෝම්බර් මාසයේ උද්ධමන අනුපාතය සියයට 2.1 ක් දක්වා වැඩි වී ඇත.
කොළඹ පාරිභෝගික මිල දර්ශකය අනුව ගණනය කළ උද්ධමනය පසුගිය සැප්තැම්බර් මාසයේ දී සියයට 1.5 ක් විය.
2025 ඔක්තෝම්බර් මාසයේ දී ආහාර කාණ්ඩයේ උද්ධමනය සියයට 3.5 ක් දක්වා වැඩි වී ඇති අතර එය සැප්තැම්බර් මාසයේ දී සියයට 2.9 ක් විය. එසේම 2025 ඔක්තෝම්බර් මාසයේ ආහාර නොවන කාණ්ඩයේ උද්ධමනය සියයට 1.4 ක් දක්වා වැඩි වී ඇති අතර එය 2025 සැප්තැම්බර් මාසයේ දී සියයට 0.7 ක් ලෙස වාර්තා විය.
ජනලේඛන සහ සංඛ්‍යාලේඛන දෙපාර්තමේන්තුව විසින් අද (31) දින මෙම උද්ධමන අනුපාත ප්‍රකාශයට පත් කළේය
