කැලණි ගඟෙන් ජලය ලබාගන්නා ස්ථානය ආශ්රිතව ජලයේ ගුණාත්මකභාවයට බලපා ඇති හදිසි තත්ත්වයක් හේතුවෙන් කොළඹ සහ ගම්පහ දිස්ත්රික්කවල ප්රදේශ කිහිපයක ජල සැපයුම තාවකාලිකව අත්හිටුවා තිබේ.
ජාතික ජල සම්පාදන හා ජලාපවාහන මණ්ඩලය සඳහන් කළේ අද (25) අලුයම සිට වහාම ක්රියාත්මක වන පරිදි මෙම පියවර ගත් බවයි.
ජල සැපයුම අත්හිටුවා ඇති ස්ථාන
කොළඹ සහ ගම්පහ දිස්ත්රික්කවලට ජලය බෙදාහරින,
අඹතලේ ජල පවිත්රාගාරය
කැලණි දකුණු ඉවුර ජල පවිත්රාගාරය
මගින් සිදුකරන ජල සැපයුම මෙලෙස තාවකාලිකව නතර කර ඇත.
⚠️ හේතුව
කැලණි ගඟෙන් ජලය ලබාගන්නා ස්ථානය ආශ්රිතව ජලයේ ගුණාත්මකභාවයට බලපෑම් කළ හැකි හදිසි තත්ත්වයක් පවතින බවට ආපදා කළමනාකරණ මධ්යස්ථානයෙන් ලද දැනුම්දීමක් අනුව මෙම පියවර ගෙන තිබේ.
මේ වනවිට සිදුවන්නේ
අදාළ තත්ත්වය සම්බන්ධයෙන් අවශ්ය පරීක්ෂණ සහ ක්රියාමාර්ග සිදුකරමින් පවතින බව ජල සම්පාදන මණ්ඩලය පවසයි.
ජල සැපයුම නැවත සාමාන්ය තත්ත්වයට පත්කරන වේලාව පිළිබඳව ඉදිරියේදී ජනතාව දැනුවත් කිරීමට නියමිතය.
ජනතාවගේ සෞඛ්ය ආරක්ෂාව වෙනුවෙන් මෙම තාවකාලික පියවර ගෙන ඇති බව ජාතික ජල සම්පාදන හා ජලාපවාහන මණ්ඩලය වැඩිදුරටත් සඳහන් කරයි.
කොළඹ හා ගම්පහ ප්රදේශ කිහිපයක ජල සැපයුම තාවකාලිකව අත්හිටුවයි
RELATED ARTICLES