හේමසිරිට සහ පූජිත්ට එරෙහි පාස්කු නඩුජුනි 12 යළි කැඳවයි

පාස්කු ඉරුදින ප්‍රහාරය වළක්වා ගැනීමට කටයුතු නොකළ බවට චෝදනා එල්ල වී සිටින හිටපු ආරක්ෂක ලේකම් හේමසිරි ප්‍රනාන්දු සහ හිටපු පොලිස්පති පූජිත් ජයසුන්දර මහතාට එරෙහි නඩු ජුනි 12 වනදා කැඳවීමට කොළඹ ත්‍රිපුද්ගල ස්ථිර මහාධිකරණ විනිසුරු මඩුල්ල නියෝග කර තිබේ.
අද (27) දින නඩුව විභාගයට ගත් අවස්ථාවේදී විත්තිකරුවන් දෙදෙනාම අධිකරණය හමුවේ පෙනී සිට ඇති අතර, නඩුවට අදාළ දේශන ඉදිරිපත් කිරීම සඳහා එය ජුනි 12 දක්වා කල් තැබීමට විනිසුරු මඩුල්ල තීරණය කර ඇත.