මෙවර එල් නිනෝ තත්ත්වය දෙසැම්බර් මාසයේදී උපරිම තීව්‍රතාවයට ළඟාවීමට පෙර තවදුරටත් ශක්තිමත් වනු ඇති බව එක්සත් ජාතීන්ගේ සංවිධානයට අනුබද්ධ ලෝක කාලගුණ විද්‍යා සංවිධානය පවසයි. එහි බලපෑම 2027 පෙබරවාරි දක්වා පැවතීමට ඉහළ සම්භාවිතාවක් පවතින බවද එම සංවිධානය සඳහන් කරයි. 0
ඒ අනුව මධ්‍යම හා නැගෙනහිර නිවර්තන පැසිෆික් සාගරයේ මතුපිට ජල උෂ්ණත්වය ඉදිරි මාසවලදී වාර්තාගත මට්ටම් දක්වා ඉහළ යා හැකි බවට පුරෝකථනය කර තිබේ. එල් නිනෝ තත්ත්වය තවදුරටත් තීව්‍ර වීමත් සමඟ ලොව පුරා උෂ්ණත්ව සහ වර්ෂාපතන රටාවන්ට සැලකිය යුතු බලපෑම් ඇතිවිය හැකි බව ලෝක කාලගුණ විද්‍යා සංවිධානය පෙන්වා දෙයි. 1
ලෝක කාලගුණ විද්‍යා සංවිධානයේ පුරෝකථන අනුව 2026 වසරේ මෙවර එල් නිනෝ තත්ත්වය 1950න් පසු ඇති වූ ප්‍රබලතම තත්ත්වයන් අතරට එක්විය හැකි අතර, එය ඉතා ප්‍රබල මට්ටමකට වර්ධනය විය හැකි බව සඳහන් වේ. 2
මේ අතර චිකාගෝ විශ්වවිද්‍යාලයේ Climate Impact Lab පර්යේෂකයන් සිදුකළ අධ්‍යයනයකින් පෙන්වා දී ඇත්තේ 2026 ජූනි සිට 2027 පෙබරවාරි දක්වා කාලය තුළ එල් නිනෝ ආශ්‍රිත අධික උෂ්ණත්වය හේතුවෙන් ලොව පුරා අමතර මරණ 451,000ක් පමණ සිදුවිය හැකි බවයි. එය පර්යේෂකයන්ගේ ආකෘතිගත ඇස්තමේන්තුවක් වන අතර, අධ්‍යයනය තවමත් සම-සමාලෝචනයට ලක්ව නොමැති බවද සඳහන් වේ. 3
“`4
