ජාතික පාරිසරික තොරතුරු මධ්‍යස්ථානය නවීන ඩිජිටල් දැනුම් කේන්ද්‍රයක් ලෙස සංවර්ධනය

ජාතික පාරිසරික තොරතුරු මධ්‍යස්ථානය සම්ප්‍රදායික පුස්තකාල පද්ධතියෙන් ඉවත්ව නවීන ඩිජිටල් පුස්තකාල සංකල්පය යටතේ සංවර්ධනය කර ඇත.
මෙය ශ්‍රී ලංකාවේ පාරිසරික තොරතුරු සම්පාදනය සහ බෙදාහැරීම සඳහා ප්‍රධාන මධ්‍යස්ථානයක් ලෙස ක්‍රියාත්මක වේ.
මෙම මධ්‍යස්ථානය මධ්‍යම පරිසර අධිකාරිය යටතේ ක්‍රියාත්මක වන අතර, පරිශීලකයින්ට පරිසරය සම්බන්ධ නවතම ගවේෂණ, වාර්තා සහ තොරතුරු පහසුවෙන් ලබාගැනීමට අවස්ථාව සලසා ඇත.
ශ්‍රී ලංකාවට අමතරව විදේශීය පාරිසරික දත්තද එකතු කරමින්, විශ්වාසනීය දැනුම් මූලාශ්‍රයක් ලෙස මෙම මධ්‍යස්ථානය කටයුතු කරයි.
පර්යේෂකයන්, ශිෂ්‍යයන් සහ සාමාන්‍ය ජනතාවට පරිසරය පිළිබඳ ගැඹුරු දැනුමක් ලබාදීමට මෙන්ම සොබාදහම, පාරිසරික වෙනස්කම් සහ ලෝකයේ විවිධ පාරිසරික සංකල්ප පිළිබඳ ඉගෙනීමට කැමැත්තක් ඇති සියලු දෙනාට මෙම මධ්‍යස්ථානය විවෘතව පවතී.
වැඩිදුර තොරතුරු සඳහා 011-2872419 / 011-2872278 / 011-2873447 / 011-2873448 / 011-2888999 යන දුරකථන අංක ඔස්සේ සම්බන්ධ විය හැකිය.