දක්ෂිණ අධිවේගී මාර්ගයේ අපරැක්ක අනුපාලක ස්ථානයේදී අයිස් මත්ද්රව්ය කිලෝග්රෑම් 2යි මිලිග්රෑම් 554ක් ප්රවාහනය කරමින් සිටි බවට සැක කෙරෙන පුද්ගලයින් දෙදෙනෙකු පොලීසිය අත්අඩංගුවට ගෙන තිබේ.
පොලිස් නිලධාරීන්ට සැක සිතීම හේතුවෙන්, කොළඹ දෙසට අධිවේගී මාර්ගයට ඇතුළු වීමට උත්සාහ කළ මෝටර් රථයක් පරීක්ෂාවට ලක් කිරීමේදී මෙම මත්ද්රව්ය තොගය සොයාගෙන ඇත.
අත්අඩංගුවට ගත් සැකකරුවන් වයස අවුරුදු 28 සහ 32 වන බොරැල්ල ප්රදේශයේ පදිංචිකරුවන් බව පොලීසිය සඳහන් කළේය.
සැකකරුවන් දෙදෙනා සහ මත්ද්රව්ය ප්රවාහනය සඳහා භාවිත කළ මෝටර් රථය වැඩිදුර විමර්ශන සඳහා තිහගොඩ පොලිස් ස්ථානය වෙත භාරදී තිබේ.
සිද්ධිය සම්බන්ධයෙන් තිහගොඩ පොලීසිය වැඩිදුර විමර්ශන ක්රියාත්මක කරයි.
