නාමල් රාජපක්ෂගේ ඇප නියෝගය සම්බන්ධ තීන්දුව නොවැම්බර් 18ට කල්යයි

ක්‍රිෂ් ගනුදෙනුව සම්බන්ධයෙන් රක්ෂිත බන්ධනාගාරගත කර සිටි පාර්ලිමේන්තු මන්ත්‍රී නාමල් රාජපක්ෂ මහතා ඇප මත මුදාහැරීමට කොළඹ මහේස්ත්‍රාත් අධිකරණය ලබාදුන් නියෝගය අත්හිටුවමින් අතුරු තහනම් නියෝගයක් නිකුත් කරන්නේද නැද්ද යන්න පිළිබඳ තීන්දුව නොවැම්බර් 18 වැනිදා ප්‍රකාශයට පත් කිරීමට කොළඹ මහාධිකරණය තීරණය කර තිබේ.අල්ලස් හෝ දූෂණ චෝදනා විමර්ශන කොමිෂන් සභාව සහ නාමල් රාජපක්ෂ මහතා වෙනුවෙන් පෙනී සිටි නීතිඥවරුන් ඉදිරිපත් කළ කරුණු සලකා බැලීමෙන් අනතුරුව කොළඹ මහාධිකරණ විනිසුරු ලාල් බණ්ඩාර මහතා විසින් මෙම නියෝගය ලබාදී ඇත.ඒ අනුව අදාළ ඇප නියෝගය අත්හිටුවීම සම්බන්ධයෙන් අවසන් තීරණය නොවැම්බර් 18 වැනිදා ප්‍රකාශයට පත් කිරීමට නියමිතය.