තද සුළං සහ රළු මුහුදු ප්රදේශ පිළිබඳව අනතුරු ඇඟවීමේ නිවේදනයක් කාලගුණ විද්යා දෙපාර්තමේන්තුව විසින් නිකුත් කර තිබේ.
ඒ අනුව මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. 60 වඩා වැඩි වන අතර එම මුහුදු ප්රදේශ විටින් විට ඉතා රළු වේ.
එබැවින්, මෙම මුහුදු ප්රදේශයට නැවත දැනුම්දෙනතුරු යාත්රා නොකරන ලෙස නාවික සහ ධීවර ප්රජාවන්ට දැනුම්දෙනු ලැබේ.
මඩකලපුව, ත්රිකුණාමලය, කන්කසන්තුරය, මන්නාරම හරහා හලාවත දක්වා සහ ගාල්ල සිට මාතර දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. 50 දක්වා වැඩි වනු ඇති බව කාලගුණ විද්යා දෙපාර්තමේන්තුව සඳහන් කළේය.
එබැවින් මෙම මුහුදු ප්රදේශවල ධීවර සහ නාවික කටයුතුවල යෙදෙන ධීවර සහ නාවික ප්රජාව මේ පිළිබඳව අවධානයෙන් කටයුතු කරන ලෙස ඉල්ලා සිටිනු ලැබේ.
මුහුදු ප්රදේශවල ගිගුරුම් සහිත වැසි ඇති වන අවස්ථාවලදී තාවකාලිකව තද සුළං ඇති විය හැකි අතර, එම අවස්ථාවලදී මුහුදු ප්රදේශ තාවකාලිකව ඉතා රළු වීමේ හැකියාවක්ද පවතින බව සඳහන්ය.
කාලගුණ විද්යා දෙපාර්තමේන්තුව විසින් මේ සම්බන්ධයෙන් නිකුත් කරනු ලබන ඉදිරි නිවේදන පිළිබඳව අවධානයෙන් පසුවන ලෙස ධීවර හා නාවික ප්රජාවගෙන් ඉල්ලා සිටිනු ලැබේ.
