2026 වසරේ මේ දක්වා ශ්රී ලංකාවට පැමිණ ඇති සංචාරකයින් සංඛ්යාව මිලියන 1.2කට ආසන්න වී ඇති බව සංචාරක නියෝජ්ය අමාත්ය රුවන් රණසිංහ මහතා පවසයි.
කොළඹදී පැවති මාධ්ය හමුවකදී අදහස් දක්වමින් නියෝජ්ය අමාත්යවරයා සඳහන් කළේ, වසරේ ගතවූ කාලය තුළ සංචාරක කර්මාන්තයෙන් අමෙරිකානු ඩොලර් බිලියන 1.5කට වැඩි විදේශ විනිමය ආදායමක් උපයා ගැනීමට ශ්රී ලංකාව සමත්ව ඇති බවයි.
ඔහුගේ අදහස් අනුව, සංචාරක ක්ෂේත්රයේ පවතින අඛණ්ඩ වර්ධනය හේතුවෙන් 2026 වසර සඳහා නියම කර ඇති සංචාරක පැමිණීම් මිලියන 2.5ක ඉලක්කය සාර්ථකව ළඟා කර ගැනීමේ හැකියාව පිළිබඳ විශ්වාසයක් පවතී.
රට තුළ සංචාරක කර්මාන්තයේ යහපත් ප්රවණතාව තවදුරටත් පවත්වාගෙන යාම සඳහා අදාළ වැඩසටහන් සහ ප්රවර්ධන ක්රියාමාර්ග අඛණ්ඩව ක්රියාත්මක කරන බවද එහිදී වැඩිදුරටත් සඳහන් කෙරිණි.
