ගමන් වියදම් දීමනාව ඉහළ නොදැමීම සහ තවත් ඉල්ලීම් කිහිපයක් මුල් කරගනිමින් ග්රාම නිලධාරීන් හෙට (10) සහ අනිද්දා (11) යන දෙදින තුළ අසනීප නිවාඩු වාර්තා කර සේවයට වාර්තා නොකර සිටීමට තීරණය කර තිබේ.
කොළඹ අද (09) පැවැති මාධ්ය හමුවකට එක්වෙමින්, ග්රාම නිලධාරී වෘත්තීය සමිති සන්ධානයේ සභාපති නන්දන රණසිංහ මහතා මේ බව ප්රකාශ කළේය.
ග්රාම නිලධාරීන් සඳහා ලබාදෙන රුපියල් 600ක ගමන් වියදම් දීමනාව වසර 8ක් පුරාවට වැඩි කර නොමැති බව ඔහු අවධාරණය කර සිටියේය.
2024 වසරේදී අදාළ දීමනාව වෙනුවට ඉන්ධන ලීටර් 20කට සමාන දීමනාවක් ලබාදීමට අමාත්ය මණ්ඩල අනුමැතිය ලැබී තිබේ.
කෙසේ වෙතත් මේ දක්වා එය ලබා නොදීමට විරෝධය පළ කරමින් හෙට (10) සහ අනිද්දා (11) අසනීප නිවාඩු වාර්තා කර සේවයට වාර්තා නොකිරීමේ වෘත්තීය ක්රියාමාර්ගයක් ආරම්භ කරන බව නන්දන රණසිංහ මහතා පැවසුවේය.
ඒ අනුව මෙම වෘත්තීය ක්රියාමාර්ගය දිවයින පුරා ක්රියාත්මක වනු ඇත.
