සක්රීය නිරිතදිග මෝසම හේතුවෙන් අද (06) සිට ඉදිරි දින කිහිපය තුළ දිවයිනේ නිරිතදිග ප්රදේශවල වැසි සහ සුළං තත්ත්වය තවදුරටත් වැඩි වන බව කාලගුණවිද්යා දෙපාර්තමේන්තුව නිවේදනය කරයි.
බස්නාහිර, සබරගමුව සහ වයඹ පළාත්වල මෙන්ම මහනුවර, නුවරඑළිය, ගාල්ල සහ මාතර දිස්ත්රික්කවල විටින් විට වැසි හෝ ගිගුරුම් සහිත වැසි ඇති වන අතර, එම ප්රදේශවල අහස වළාකුළින් බරව පවතිනු ඇත.
බස්නාහිර, සබරගමුව, මහනුවර, නුවරඑළිය සහ ගාල්ල දිස්ත්රික්කවල ඇතැම් ස්ථානවලට මි.මී.100ට වැඩි තද වැසි ඇති විය හැකිය.
අම්පාර, මඩකලපුව සහ මොණරාගල දිස්ත්රික්කවල පස්වරු 2.00න් පසු ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි අතර, උතුරු-මැද, සබරගමුව, දකුණු, මධ්යම සහ වයඹ පළාත්වල පැ.කි.මී.40-50ක පමණ තද සුළං ද ඇතිවිය හැකිය.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු අනතුරු අවම කර ගැනීම සඳහා අවශ්ය ආරක්ෂිත පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටියි.
