ජපානය විසින් මෑතකදී නිකුත් කළ “Defense of Japan 2026” ආරක්ෂක ධවල පත්රිකාවේ චීන හමුදා ක්රියාකාරකම් පිළිබඳ සඳහන් කරුණු පදනම් විරහිත සහ අසත්ය චෝදනා බව චීන ජාතික ආරක්ෂක අමාත්යාංශය ප්රකාශ කර තිබේ.
එහි ප්රකාශක චෙන් ෂී මහතා පැවසුවේ, ජපානය “චීන තර්ජනය” අතිශයෝක්තියෙන් ඉදිරිපත් කරන්නේ සිය හමුදා බලය වැඩිදියුණු කිරීමට සහ ආරක්ෂක සීමාවන් ලිහිල් කර ගැනීමට නිදහසට කරුණක් ලෙස බවයි.
ජපානයේ වාර්තාවේ චීන හමුදා ක්රියාකාරකම් ජපානය මුහුණ දෙන ප්රධාන උපායමාර්ගික අභියෝගය ලෙසත්, තායිවානය අවට චීන ක්රියාකාරකම් කලාපීය ආරක්ෂාවට බලපාන බවත් සඳහන් කර ඇත.
කෙසේ වෙතත් චීනය එම චෝදනා සියල්ල ප්රතික්ෂේප කරමින්, තායිවාන ප්රශ්නය චීනයේ ස්වෛරීත්වයට සහ භෞමික අඛණ්ඩතාවයට අදාළ අභ්යන්තර කාරණයක් බව නැවත අවධාරණය කර තිබේ.
