බස්නාහිර, සබරගමුව සහ වයඹ පළාත්වල මෙන්ම මහනුවර, නුවරඑළිය, ගාල්ල සහ මාතර දිස්ත්රික්කවල විටින් විට වැසි හෝ ගිගුරුම් සහිත වැසි ඇති වන අතර එම ප්රදේශවල අහස වලාකුළින් බරව පවතිනු ඇතැයි කාලගුණවිද්යා දෙපාර්තමේන්තුව පවසයි.
සබරගමුව පළාතේ සහ මහනුවර, නුවරඑළිය දිස්ත්රික්කවල ඇතැම් ස්ථානවලට මිලිමීටර් 75 ඉක්මවූ තද වැසි ඇති විය හැකි බවද එම දෙපාර්තමේන්තුව නිවේදනය කර තිබේ.
උතුරු මැද පළාතේ වැසි වාර කිහිපයක් ඇති වන අතර, ඌව සහ නැගෙනහිර පළාත්වල මෙන්ම මුලතිව් දිස්ත්රික්කයේ පස්වරු 2.00න් පසු තැනින් තැන වැසි හෝ ගිගුරුම් සහිත වැසි ඇති විය හැකිය.
උතුරු මැද, සබරගමුව, දකුණු, මධ්යම සහ වයඹ පළාත්වල මෙන්ම ත්රිකුණාමලය දිස්ත්රික්කයේ පැයට කිලෝමීටර් 40ත් 50ත් අතර වේගයෙන් තද සුළං හමනු ඇති බවද සඳහන් වේ.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු අනතුරුවලින් ආරක්ෂා වීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටියි.
