අයහපත් කාලගුණය හේතුවෙන් හෙට දිවයිනේ සියලු පාසල් වසා තැබීමට තීරණයක්

පවතින අයහපත් කාලගුණික තත්ත්වය සැලකිල්ලට ගනිමින්, ආරක්ෂිත පියවරක් ලෙස හෙට (27) දිනයේදී දිවයිනේ සියලුම පාසල් වසා තැබීමට තීරණය කර තිබේ.අධ්‍යාපන අමාත්‍යාංශය විසින් නිකුත් කළ නිවේදනයකට අනුව මෙම තීරණය ගෙන ඇත්තේ පවතින අයහපත් කාලගුණික තත්ත්වය හමුවේ සිසුන්ගේ සහ පාසල් ප්‍රජාවේ ආරක්ෂාව සැලකිල්ලට ගනිමිනි.කෙසේ වෙතත්, අ.පො.ස. සාමාන්‍ය පෙළ විභාගයට අදාළ සෞන්දර්ය විෂයන්හි ප්‍රායෝගික පරීක්ෂණ පෙර සැලසුම් කර ඇති පරිදි පැවැත්වීමට නියමිත බවද අමාත්‍යාංශය සඳහන් කර තිබේ.ඒ අනුව, හෙට දිනයේ පාසල් වසා තැබුණද, අදාළ ප්‍රායෝගික පරීක්ෂණ සඳහා පෙනී සිටීමට නියමිත විභාග අපේක්ෂකයන් එම පරීක්ෂණ පිළිබඳ ලබාදී ඇති උපදෙස් අනුව කටයුතු කළ යුතුය.අයහපත් කාලගුණික තත්ත්වය පිළිබඳ ඉදිරි නිවේදන සහ අදාළ බලධාරීන් ලබාදෙන උපදෙස් පිළිබඳව අවධානයෙන් සිටින ලෙසද සිසුන්, දෙමාපියන් සහ පාසල් ප්‍රජාවට සිහිපත් කෙරේ.