ඇපල් සමාගම 2027 වසරේදී නව ස්මාර්ට් කණ්ණාඩියක් වෙළඳපොළට හඳුන්වාදීමට සැලසුම් කර ඇති බව විදෙස් වාර්තා සඳහන් කරයි.
මෙම උපාංගය නිර්මාණය කිරීමේදී පරිශීලකයන්ගේ පෞද්ගලිකත්වය ආරක්ෂා කිරීම ප්රධාන අරමුණක් ලෙස සලකා ඇති අතර, දැනට පවතින ස්මාර්ට් කණ්ණාඩි සම්බන්ධයෙන් ඇති පෞද්ගලිකත්ව ගැටලු අවම කිරීමට විශේෂ අවධානය යොමු කර තිබේ.
වාර්තා අනුව, මෙම කණ්ණාඩිය මඟින් ලබාගන්නා දත්ත උපාංගය තුළම සකස් වන අතර ඒවා බාහිර සර්වර් වෙත නොයවනු ඇත. එසේම පරිශීලකයන්ගේ පෞද්ගලික දත්ත කෘත්රිම බුද්ධි පද්ධති පුහුණු කිරීම සඳහා භාවිත නොකරන බවද සඳහන් වේ.
ඡායාරූප හෝ වීඩියෝ ගැනීම වෙනුවට අවට පරිසරය හඳුනාගැනීමට උපකාරී වන විශේෂ සෙන්සර් පද්ධතියක් ද මෙයට ඇතුළත් විය හැකි බව වාර්තා වේ.
මෙම නව ස්මාර්ට් කණ්ණාඩිය 2027 ජූනි මාසයේ WWDC සමුළුවේදී හඳුන්වාදී එම වසරේ අවසානයේ වෙළඳපොළට නිකුත් කිරීමට අපේක්ෂා කෙරේ.
