චීන ආරක්ෂක උපදේශක සහ ආරක්ෂක ලේකම් අතර හමුවක්

ශ්‍රී ලංකාවේ චීන තානාපති කාර්යාලයට අලුතින් පත්වූ ආරක්ෂක උපදේශක ජ්‍යේෂ්ඨ කර්නල් FU Xiao මහතා ආරක්ෂක අමාත්‍යාංශයේදී ආරක්ෂක ලේකම් එයාර් වයිස් මාර්ෂල් (විශ්‍රාමික) සම්පත් තුයියකොන්තා මහතා හමුවී තිබේ.
මෙම හමුවේදී ශ්‍රී ලංකාව සහ චීනය අතර ද්විපාර්ශ්වික ආරක්ෂක සබඳතා ශක්තිමත් කිරීම මෙන්ම දෙරටටම වැදගත් කරුණු කිහිපයක් පිළිබඳව සුහද සාකච්ඡාවක් පවත්වා ඇති බව වාර්තා වෙයි.
එම අවස්ථාවට චීන තානාපති කාර්යාලයේ නියෝජ්‍ය ආරක්ෂක උපදේශකවරයා සහ නාවික ආරක්ෂක උපදේශකවරයා ද එක්ව සිටියේය.