ගිවිසුමක් වන තුරු හෝමූස් අවහිරය ඉවත් නොකරන බව ට්‍රම්ප් කියයි

ඩොනල්ඩ් ට්‍රම්ප් පවසන්නේ, ටෙහෙරානය සමඟ එකඟතාවයකට පැමිණෙන තෙක් ඉරාන වරායන් මත පනවා ඇති අවහිර කිරීම් ඉවත් නොකරන බවයි.
යුද්ධය අවසන් කිරීම සඳහා නව සාකච්ඡා පැවැත්වීම පිළිබඳව පවතින අවිනිශ්චිතතාවය මධ්‍යයේ ඔහු මෙම අදහස් ප්‍රකාශ කර ඇත.
පසුගිය සතියේ ආරම්භ කළ වරාය අවහිර කිරීම් හේතුවෙන් ඉරානය දැඩි ආර්ථික පීඩනයකට ලක්ව ඇති බවත්, ඒ හරහා තම රට ඉහළින්ම ජයග්‍රහණය කරමින් සිටින බවත් ඔහු Truth Social හරහා සඳහන් කර ඇත.
අමෙරිකාව සහ ඉරානය අතර ඇති තාවකාලික සටන් විරාමය ලබන බදාදා අවසන් වීමට නියමිත අතර, එයට පෙර සාම සාකච්ඡාවල දෙවන වටය පැවැත්වීම පිළිබඳව තවමත් නිශ්චිත තීරණයක් ගෙන නොමැත.
එම සාකච්ඡා ඉස්ලාමාබාද් හි පැවැත්වීමට සැලසුම් කර ඇති අතර, ඒ සඳහා ආරක්ෂාවද දැඩි කර තිබේ.
මෙම සාකච්ඡාව සඳහා අමෙරිකානු නියෝජිත කණ්ඩායමට නායකත්වය දීමට නියමිත ජේ.ඩී. වෑන්ස් තවමත් වොෂින්ටනයෙන් පිටත්ව ගොස් නොමැති අතර, ඉරානය ද එයට සහභාගී වීම පිළිබඳ අවසන් තීරණයක් ගෙන නොමැති බව වාර්තා වේ.