බස්නාහිර, සබරගමුව සහ වයඹ පළාත්වලට මෙන්ම ගාල්ල, මාතර, මහනුවර සහ නුවරඑළිය දිස්ත්රික්කවලට අද (14) දිනයේද විටින් විට වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව පවසයි.
නිවේදනයක් නිකුත් කරමින් එම දෙපාර්තමේන්තුව සඳහන් කළේ, මන්නාරම සහ අනුරාධපුර දිස්ත්රික්කවලටද වැසි ස්වල්පයක් අපේක්ෂා කරන බවයි.
එමෙන්ම, මධ්යම කඳුකරයේ බටහිර බෑවුම් ප්රදේශවල, උතුරු සහ උතුරු-මැද පළාත්වල මෙන්ම හම්බන්තොට සහ ත්රිකුණාමලය දිස්ත්රික්කවලද විටින් විට තද සුළං තත්ත්වයක් පවතිනු ඇති බවට අනාවැකි පළ කර තිබේ.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කර ගැනීම සඳහා අවශ්ය ආරක්ෂිත පියවර අනුගමනය කරන ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලීමක් කර ඇත.
ප්රදේශ රැසකට අදත් ගිගුරුම් සහිත වැසි
RELATED ARTICLES