ජාතික ජල සම්පාදන හා ජලාපවහන මණ්ඩලයේ විශාල සේවක පිරිසක් දේශපාලන පත්වීම් මත සේවයට බැඳුණු අය බව අමාත්‍ය ජීවන් තොණ්ඩමන් මහතා පවසයි.
පාර්ලිමේන්තුවේදී වාචික ප්‍රශ්නයකට පිළිතුරු දෙමින් ඒ මහතා පැවසුවේ, සේවකයින්ගෙන් 70%ක් පමණ නුපුහුණු සේවකයින් බවය.
බොහෝ අංශවල සේවක පුරප්පාඩු පවතින බවත් සමහර අංශවල සේවක අතිරික්තයක් පවතින බවත් ඒ මහතා පැවසීය.
මේ තත්ත්වය මත අලුතෙන් සේවකයින් බඳවා ගැනීමට කිසිදු අදහසක් නොමැති බවත් අමාත්‍යවරයා පෙන්වාදුනි.
