මන්නාරමට උතුරු දෙසින් වූ මෙරට මුහුදු තීරයේ දී අනවසර ධීවර කටයුතුවල නිරත වූ ඉන්දීය ට්‍රෝලර් යාත‍්‍රාවක් සමඟ ධීවරයින් 06 දෙනෙකු නාවික හමුදා භාරයට ගෙන තිබෙනවා.
අදාළ ට්‍රෝලර් යාත‍්‍රාව සමඟ එහි සිටි ඉන්දීය ධීවරයින් හය දෙනා සහ ධීවර ආම්පන්න තලෙයිමන්නාරමට රැගෙන ඒමෙන් අනතුරුව ඉදිරි නීතිමය කටයුතු සඳහා මන්නාරම ධීවර පරීක්‍ෂක කාර්යාලය වෙත භාරදීමට නියමිතයි.
නාවික හමුදාව සඳහන් කලේ මෙම මාසයේ දී පමණක්, ශ්රී ලංකාවට අයත් මුහුදු තීරයට ඇතුළුව අනවසර ධීවර කටයුතු සිදුකළ ඉන්දීය ධීවර යාත‍්‍රා 04 ක් සමඟ එම යාත‍්‍රාවන්ගේ සිටි ඉන්දීය ධීවරයන් 29 ක් සිය භාරයට ගෙන ඇති බවයි.
