සමාජ මාධ්‍ය ක්‍රියාකාරිනියක් සහ Standup Comedy වැඩසටහන් මෙහෙයවන්නියක් ලෙස ප්‍රචලිත නතාෂා එදිරිසූරිය මිට සුළු මොහොතකට පෙර පොලිස් අත්අඩංගුවට පත්ව තිබෙනවා.
රටින් පිටවීමට උත්සාහ කිරීමේදී ඇය මීට සුළු මොහොතකට පෙර කටුනායක ගුවන් තොටුපොළේදී අත්අඩංගුවට ගත් බව පොලීසිය පවසන අතර අපරාධ පරීක්ෂණ දෙපාර්තමේන්තුව විසින් ඇය මෙලෙස අත්අඩංගුවට ගෙන තිබෙනවා.
බෞද්ධ දර්ශනයට හා බෞද්ධ සංස්කෘතියට අගෞරව වන ලෙස දේශන පැවැත්වූ බවට දක්වමින් කොළඹ අපරාධ පරික්ෂණ දෙපාර්තමේන්තුවට අද සවස පැමිණිල්ලක් ඉදිරිපත් වුනා.
අල්ලසයට දූෂණයට නාස්තියට එරෙහි පුරවැසි සංවිධානයේ සභාපති ජාමුණි කමන්ත තුෂාර මෙම පැමිණිල්ල ඉදිරිපත් කර තිබූ අතර, බිෂොප් විද්‍යාලයේ ශ්‍රවණාගාරයෙහි පසුගියදා පැවති “මෝඩාභිමානය” නම් Standup Comedy වැඩසටහනේදී අදාළ ප්‍රකාශය සිදුකල බවට පැමිණිල්ලේ සඳහන්ව තිබුණා.
මේ අතර නතාෂා එදිරිසූරියට එරෙහිව තවත් පැමිණිල්ලක් පොලිස් මූලස්ථානයටද ඉදිරිපත් කර තිබු අතර පූජ්‍ය බලංගොඩ කාශ්‍යප ස්වාමීන්වහන්ස එම පැමිණිල්ල ඉදිරිපත් කර තිබුණා.
කෙසේ නමුත් ඉකුත් දා ඇය විසින් සිදු කළ ප්‍රකාශය සම්බන්ධයෙන් ඇය සමාජ මාධ්‍ය නාලිකාවක දී අදාල ප්‍රකාශය හේතුවෙන් කිසියම් පාර්ශවයකට අගතියක් වී ඇත් නම් ඒ වෙනුවෙන් සමාව අයැද සිටීමට ද කටයුතු කළා.
